Nigeriyada heyvanlardan insanlara keçən Lassa qızdırması səbəbindən 190 nəfər ölüb.
"Operativ Media" xəbər verir ki, bu barədə Nigeriya Xəstəliklərə Nəzarət Mərkəzi (NCDC) məlumat yayıb.
Məlumatda qeyd olunub ki, hazırda Nigeriyada 1154 nəfərdə Lassa qızdırması aşkar edilib. Epidemiya nəticəsində həyatını itirənlərin sayı 190-na yüksəlib.
Ümumilikdə isə bu il ölkədə 9492 nəfər bu xəstəliyə yoluxub.
Xatırladaq ki, Nigeriya hökuməti 23 yanvar 2019-cu ildə Lassa qızdırması səbəbindən fövqəladə vəziyyət elan edib.
