"Aston Villa"nın futbolçusu Con Duran karyerasını Fransada davam etdirə bilər.
Sportal.az xəbər verir ki, PSJ kolumbiyalı hücumçunu transfer etmək istəyir. Bu barədə İtaliya mətbuatı məlumat yayıb.
"Aston Villa" futbolçusunu yanvar ayında satmağa hazırdır. Lakin İngiltərə klubu 21 yaşlı forvard üçün 60 milyon avro tələb edir. PSJ bu məbləği ödəsə, transfer gerçəkləşə bilər.
Qeyd edək ki, "Aston Villa" Con Duranı ötən ilin yanvar ayında ABŞ-nin "Çikaqo" klubundan transfer edib. Kolumbiya millisinin üzvü olan gənc oyunçu bu mövsüm Birmingem təmsilçisinin heyətində meydana çıxdığı 25 rəsmi matçda 12 qol vurub.
saytlarin hazirlanmasi
