Məlumdur ki, Yeni il yaxınlaşdıqca bir çox insan yeni il proqramlarını hazırlamağa başlayıb. Lakin bir çoxları da bu barədə qərarsızdır.
Hər kəs bu Yeni il gecəsini ən yaxşı şəkildə keçirmək istəyir. Son zamanlar otellər təklif etdikləri imkanlarla bu baxımdan bir addım öndədir. Otellərdə keçirilən Yeni il gecələri günlərlə danışılır və enerjiləri aylarla davam edir. Bu baxımdan bir çox insanlar Yeni il gecəsi otelləri axtarır.
Bəs, Yeni il gecəsini oteldə qeyd etməyin üstünlükləri nələrdir?
SİA mövzu ilə bağlı araşdırma aparıb.
- İlk növbədə qeyd etməkdə fayda var ki, Otellərdə keçirilən Yeni il gecəsi proqramlarında bütün detallar diqqətlə nəzərdən keçirilir.
- Otelin Yeni il paketlərində yerləşmə variantları da olduğu üçün əyləndikdən sonra evə qayıtmaqda problem olmayacaq.
- Normalda evdə ziyafət keçirmək istədiyiniz zaman ev bəzəkləri, yeməklər, əsas yeməklər, spirt və s. daxil olmaqla 2 həftəlik hazırlıq müddəti tələb olunur. Ancaq Yeni il gecəsini oteldə qeyd edərkən bunların heç birinə ehtiyac yoxdur. Qısa müddət öncədən rezervasiya edib, Yeni il günündə ən gözəl paltarları geyinərək o gözəl gecənin dadını çıxara bilərsiniz.
- Yeni il gecəsini oteldə qeyd etməyin başqa bir üstünlüyü yeni və ləzzətli təcrübələrdir. Usta aşpazların hazırladığı yaxşı oteldə yeni il proqramına qatılmaq həm gözə, həm də damağa oxşayır. Beləliklə, yemək hazırlamaqdan narahat olmayacaqsınız.
- Yeni ilə imtiyazlı oteldə qədəm qoymağın başqa bir üstünlüyü ən yaxşı DJ-ləri, ən usta artistləri və daha çoxunu ən yaxşı əhval-ruhiyyə və çıxışlarında dinləməkdir.
- Eyni zamanda, Yeni il gecəsini oteldə qeyd etmək möhtəşəm vizual şoular yaşamaq deməkdir.
Oteldə qeyd olunan Yeni il gecəsinin təsirləri təkcə Yeni il ərəfəsində deyil, sonra da davam edir. Yeni ilin ilk günündə dağınıq və çirkli bir evdə yuxudan oyanmayacaqsınız və səliqə-sahmanla məşğul olmayacaqsınız.
Bəs, gəlin görək Bakıdakı məşhur otellərdə 31 dekabr günü gecələmək neçəyə başa gəlir?
Hilton Baku
31 dekabr - 1 yanvar, 1 gecəlik qiymət 2 nəfər üçün 454 AZN
JW Marriot Absheron Baku Hotel
31 dekabr -1 yanvar 1 gecə 2 qonaq üçün qiymət 675 AZN
FLY İNN BAKU
Adi günlər üçün: 165 AZN
31 dekabr -1 yanvar 1 gecə 2 qonaq üçün qiymətlər
Klassik kral otaq- 210 AZN
Suites otaq - 352 AZN
İcraçı suite- 237 AZN
Təmsilçi suite- 1792 AZN
Holiday İnn Baku
1 gecəlik 2 nəfər üçün otaq qiyməti 356.60 AZN səhər yeməyi daxil
Shah Palace Hotel
Standard otaqların qiyməti - 160 azn
Presidetal Suite üçün isə - 900 azn təşkil edəcək.
Ümumilikdə, bir çox otellərdə Yeni il günü qiymətlər sıradan günlərdən daha bahadır.
Ayşən Vəli
