Bakı, TurkicWorld
Suriyada yeni administrasiya, Baas rejimini devirdikdən sonra silahlı qruplarla özlərini ləğv edib Müdafiə Nazirliyinin çətiri altında birləşmək üçün razılığa gəlib.
TurkicWorld xəbər verir ki, Suriya Xəbər Agentliyinin (SANA) verdiyi məlumata görə, bu razılaşma, yeni administrasiyanın rəhbəri Əhməd Şara ilə silahlı qrupların rəhbərləri arasında keçirilən görüşün nəticəsidir.
Bu iclasda, silahlı qrupların öz müstəqil fəaliyyətlərini sona çatdıraraq, Suriya Müdafiə Nazirliyinin rəhbərliyi altında birləşmələri qərara alınıb.
Qeyd edək ki, Noyabrın 27-də “Həyat Təhrir əş-Şam” təşkilatının rəhbərliyi ilə rejim qüvvələrinə qarşı başlanan əməliyyatda bir çox silahlı qruplar iştirak edib və bu qruplar müxalifətin irəliləməsində mühüm rol oynamışdı.
