1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İran və Suriya səfirliklərinin fəaliyyətlərinin yenidən bərpa edilməsi üçün danışıqlar aparılır.
Oxu.Az "Azad İran" "Telegram" kanalına istinadla xəbər verir ki, bunu İran hökumətinin sözçüsü Fatimə Mühacirani mətbuat konfransında bildirib.
O, çıxışında Suriyadakı son hadisələrə münasibət bildirib və qeyd edib ki, Tehran üçün əsas məsələ Suriya xalqının istəyinə əsaslanan bir hökumətin qurulmasıdır.
"Suriyanın ərazi bütövlüyünün qorunması İranın çox mühüm prioritetlərindən biridir. Səfirliklərin fəaliyyətinin bərpasına gəlincə, bizim yanaşmamız hər zaman olduğu kimi diplomatikdir. İran və Suriya buna hazırdır və səfirliklərin yenidən fəaliyyət göstərməsi üçün danışıqlar aparılır", - deyə Mühacirani vurğulayıb.
