Suriyada rejimi devirən qruplar ləğv edilərək Müdafiə Nazirliyinin tərkibində birləşdirilir.
SİA xarici qaynaqlara istinadən xəbər verir ki, Suriya Xəbər Agentliyinin (SANA) məlumatına görə, rejimi devirən silahlı qrupların komandirləri Suriyadakı yeni rəhbərliyin lideri Əhməd əş-Şara ilə görüşüb. Görüşdə ölkədəki yeni rəhbərlik BƏƏS rejimini devirən silahlı qruplarla "Özlərini ləğv etmə və Müdafiə Nazirliyinin tərkibində birləşmə" mövzusunda razılığa gəlib.Çoxsaylı rejim əleyhinə silahlı qrup Heyət Təhrir əl-Şam rəhbərliyi altında 27 noyabrda rejim qüvvələrinə qarşı başladılan əməliyyatda iştirak etmişdi.
