"Barselona"nın vingeri Ferran Torres əzələsindən zədə alıb.
90deqiqe.Az xəbər verir ki, bu barədə Kataloniya klubunun mətbuat xidməti məlumat yayıb.
24 yaşlı futbolçunun məşq zamanı zədələndiyi iddia edilir. Tibbi müayinədən sonra məlum olub ki, Torresin alt əzələsində problemlər var. İspaniyalının yaşıl meydanlara qayıtma vaxtı açıqlanmayıb.
Bu mövsüm Torres bütün turnirlər də daxil olmaqla 16 matçda iştirak edib və bu matçlarda beş qol vurub və iki məhsuldar ötürmə edib. "Barselona" növbəti matçını yanvarın 4-də "Barbastro"ya qarşı keçirəcək. İspaniya kubokunun 1/16 final mərhələsinə Bakı vaxtı ilə saat 22:00-da start veriləcək.
