20:20
Sabunçu Rayon Enerji Təchizatı və Satışı İdarəsinə (RETSİ) daxil olan bir sıra ərazilərdə təmir işləri ilə əlaqədar dekabrın 25-də elektrik xətləri sifarişə əsasən açılacaq.
Bu barədə OXU24.COM "Azərenerji"dən bildirilib.
Məlumata görə, bununla əlaqədar olaraq saat 10:00-dan saat 14:00-dək Balaxanı qəsəbəsində, Həsən Əliyev, Usta Baba Pirməmməd, Pirhüseyn Hüseynov, Hacı Sultan, Odlar yurdu, İmadəddin Nəsimi küçələrində elektrik enerjisinin verilişində məhdudiyyət yaranacaq. Təmir işləri yekunlaşdıqdan sonra sözügedən ərazilər daha keyfiyyətli elektrik enerjisi ilə təmin olunacaq.
--------
17:58
Babək rayonunun Cəhri qəsəbəsində dekabrın 25-də elektrik enerjisinin verilişində fasilə yaranacaq.
OXU24.COM bildirir ki, 110/35 kilovoltluq "Xalxal" yarımstansiyasından qidalanan 35 kilovoltluq "Cəhri" hava elektrik verilişi xətti aparılacaq cari təmir işləri ilə əlaqədar açılacaq.
Bununla əlaqədar Cəhri qəsəbəsində elektrik enerjisinin verilişində sabah saat 11:00-dan 13:00-dək fasilə yaranacaq.
