...Mercedes-Benz avtomobilləri üçün üçbucaqlı ulduz nişanlarının tədarükçüsü kimi tanınan Alman plastik istehsalçısı Gerhardi Kunststofftechnik GmbH iflas elan edib.
SİA xarici qaynaqlara istinadən xəbər verir ki, bu barədə Bloomberg məlumat yayıb.Şirkət həmçinin Almaniyada 1500 işçini ixtisar etdiyini açıqlayıb.
Qeyd edək ki, Gerhardi ilk olaraq 1796-cı ildə metal məmulatların istehsalçısı kimi yaradılmışdır. 20-ci əsrdə o, Mercedes-Benz Group AG üçün barmaqlıqların, tutacaqların və xrom bəzəklərin əsas təchizatçısına çevrildi.
Brend daha sonra plastik məmulatların istehsalına keçdi və həmçinin alman avtomobil istehsalçısına məhsul tədarükünü davam etdirdi.
...Gerhardi Kunststofftechnik GmbH sənaye böhranından əziyyət çəkən ilk avtomobil komponentləri istehsalçısı deyildi.
Məsələn, noyabr ayında əsas hissələrin tədarükçüsü Bosch 7 min işçisini ixtisar etdiyini elan edib.
İşdən çıxarılmalar ilk növbədə şirkətin avtomobil bölməsinə təsir edib.
Sentyabrın sonunda avtomobil komponentləri və ehtiyat hissələrinin ən qədim istehsalçılarından biri, 1940-cı ildə əsası qoyulmuş Walter Klein GmbH & Co (WKW) iflas elan etdi.
...Şirkət Volkswagen, BMW və Mercedes-Benz kimi avtomobil nəhəngləri ilə də əməkdaşlıq edib.
Əli Babayev
