Rusiyada məhkəmə Amerika vətəndaşı Gene Spektoru casusluq ittihamı ilə 15 il müddətinə azadlıqdan məhrum edib.
"Cebheinfo.az" xəbər verir ki, Moskva Şəhər Məhkəməsində keçirilən iclasda tibbi cihaz təchizatçısı "Medpolimerprom" şirkətinin keçmiş meneceri Spektor casusluqda təqsirli bilinib.
Ona qarşı ittihamı qəbul edən Spektor 15 il həbs və 14 milyon rubl (təxminən 140 min dollar) cərimə olunub.
Qeyd edək ki, Gene Spektor 2020-ci ildə dövlət işçisinə rüşvət verdiyinə görə saxlanılıb və 2022-ci ildə 3,5 il həbs cəzasına məhkum edilib.
2023-cü ilin avqustunda Spektora qarşı casusluqda şübhəli bilinərək məhkəmə işi açılıb.
