Qazaxıstan hökumətinin mətbuat xidməti bildirib ki, xilasedicilər Aktau yaxınlığında “Azərbaycan Hava Yolları”na məxsus təyyarənin qəzaya uğradığı yerdə axtarış işlərini başa çatdırıblar.
“Xilasetmə xidmətləri axtarışları başa çatdırıb. Təyyarə qəzası nəticəsində 29 nəfər xəstəxanaya yerləşdirilib, 38 nəfər ölüb”, – məlumatda deyilir.
Bütün zərərçəkənlərin lazımi müayinələrdən keçdiyi qeyd edilir. Vəziyyətləri stabilləşdikdən sonra xəstələr ixtisaslaşdırılmış şöbələrə yerləşdirilib.
Bundan əvvəl bildirilmişdi ki, Fövqəladə Hallar Nazirliyinin təyyarəsi təyyarənin qəzaya uğraması nəticəsində yaralanan 9 Rusiya vətəndaşını Aktaudan aparıb.
Dekabrın 25-də Bakıdan Qroznıya uçan Azərbaycan Hava Yollarına məxsus təyyarə Qazaxıstanda qəzaya uğrayıb. İlkin məlumata görə, qəzaya səbəb təyyarə ilə quş sürüsü arasında toqquşma olub.
DOĞRU.AZ
