İrana Avrasiya İqtisadi İttifaqında müşahidəçi dövlət statusu verilib.
"Operativ Məlumat Mərkəzi-OMM" xəbər verir ki, bu məsələ ilə bağlı qərar Rusiya Federasiyasının Leninqrad vilayətində keçirilən Ali Avrasiya İqtisadi Şurasının iclasından sonra Aİİ ölkələrinin liderləri tərəfindən imzalanıb.
Avrasiya İqtisadi Komissiyasının sədri Bakıtyan Saqintayevin sözlərinə görə, tərəflər həmçinin Avrasiya İqtisadi İttifaqı Sazişinə dəyişikliklər və Vahid gömrük tranzit sistemi haqqında sazişə dair protokol imzalayıblar.
Bundan başqa, 2025-ci il üçün iş proqramı, o cümlədən Aİİ-nin beynəlxalq fəaliyyətinin əsas istiqamətləri və ittifaq ölkələrinin daxili bazarlarında bir sıra ticarət maneələrinin aradan qaldırılması da təsdiq edilib.
