Türkiyənin Aksaray bölgəsində kreditor intihar edən borclunun məzarını açaraq yandırıb.
KONKRET.az xəbər verir ki, o, həmin anları sosial şəbəkədə canlı yayımlayıb.
Əməli tötədən şəxs “Bu gün mənə pul ödəməlisən. Mənə pul vermək əvəzinə ölməyi seçdin”, – deyərək üsyan edib, mərhumun ünvanına təhqirlər yağdırıb.
Hadisə yerinə gələn polis əməkdaşları tərəfindən saxlanılan şübhəli məhkəmə nəzarəti şərti ilə sərbəst buraxılıb.
Xatırladaq ki, Aksarayda 8 gün əvvəl çobanlar tərəfindən meyiti tapılan 40 yaşlı Abdullah Kösenin polisin araşdırmalarından sonra intihar etdiyi müəyyənləşib.
Abdullah Köseyə bizneslə məşğul olmaq üçün təqribən 400 min lirə borc verən Ələddin Y. Abdullah Kösenin ölümündən sonra pulu ala bilmədiyi üçün ödəniş günü olan aprelin 20-si axşam saatlarında sözügedən hadisəni törədib. (Baku.ws)
