“Nişanlım dünyasını dəyişib” — Şəbnəm Tapdıq

"Nişanlım da olub, istədiyim, sevdiyim bir şəxs də... Amma həmin şəxs biz ailə qurmadan dünyasını dəyişib. Onun yerinə isə heç kimi qoya bilmərəm. O tamamilə fərqli bir insan idi. Onun atası böyük şəxsiyyət, alim idi. Yarı alman idi. Onun atası mənim atamı da tanıyırdı. Onun da ürəyi götürmədi ki, mən niyə mahnı oxumağa çıxmışam. O da bax, belə getdi". 

Demokrat.az xəbər verir ki, bu sözləri Əməkdar artist Şəbnəm Tapdıq "Xeyirli axşamlar" verilişində deyib. Müğənni dünyasını dəyişən nişanlısından danışıb: 

"Kişilər qısqanc olurlar. Bu qısqanclığın əsas məsələsi "Niyə mənə başqa insanlar baxmalıdır?" düşüncəsidir. Milyon göz baxsa da, xasiyyətim elədir ki, heç kim mənə söz deyə bilməz. Çox ciddi xanımam. Kövrəkliyim isə daxili mədəniyyətimdən irəli gəlir. Çox mədəni insanam. Görsəm ki, kimsə məni söyür, ona əhəmiyyət vermərəm. Allahı və özü bilsin".

Atasından danışan Ş.Tapdıq göz yaşlarını saxlaya bilməyib:

"Siz mənim yaralı yerlərimi qaşıyırsınız. Bu gecə mən ağlamışam. Yuxuda ağlayırdım. Anamı çağırırdım. Ümumiyyətlə, ataya və anaya çox bağlı bir insanam. Bu isə məndən asılı deyil. Kişi mənim üçün düşmən çəpəridir. Kişi qardaş, atadır. Mənə söyləyirlər ki, belə olmaz, sən də bir qadınsan, sevməlisən. Mən ağır xasiyyətliyəm, heç kim mənə heç nə deyə bilməz". (Axşam.az)