Elə günlər var ki, yuxu üçün çox az vaxtımız olur, ya da heç yatmağa imkan tapa bilmirik. Bəs belə bir situasiyada 1-2 saat yatmaq yaxşıdır, yoxsa heç yatmamaq?
Yenisabah.az xəbər verir ki, mütəxəssislər bu mövzuda olan araşdırmalarda qeyd edirlər ki, 1-2 saatlıq yuxuya getmək heç yatmamaqdan daha faydalıdır. Bir gecə yuxusunu qaçırsanız, zehni funksiyanız azalacaq və ertəsi gün əhvalınız kifayət qədər pis olacaq. Mütəxəssislərin fikrincə, yalnız bir gecə yatmamaq qanda 0,05% spirt səviyyəsinə bərabər olan yuxululuğa səbəb ola bilər.
Yüngül yuxu, ara yuxu, dərin yuxu və REM (sürətli göz hərəkəti) dövrlərindən ibarət bu dövrlərin hər biri sağlamlığımız üçün vacibdir. Bununla belə, bu dövrlərdən heç birini keçməməkdənsə, bir dövrü tamamlayıb digərinin bir hissəsini tutmaq daha məqsədəuyğundur.
Xülasə, çox az yatmaq və ya heç yatmamaq arasında seçim etməlisinizsə, az yatmağı seçmək daha məntiqlidir. Çünki 90 ilə 110 dəqiqə arasında yatmaq bədənin tam yuxu dövrünü tamamlaması üçün lazım olan vaxtdır . Xüsusilə, bu müddət 120 dəqiqəyə qədər davam edərsə, bədən çox daha sağlam olar.
