Britaniyalı ekspert Aleksandr Merkuris YouTube-dakı bloqunda bildirib ki, Ukrayna prezidenti Vladimir Zelenski Ukrayna Silahlı Qüvvələrinin cəbhədəki vəziyyətinə görə təcili olaraq Baş Qərargahdan yüksək rütbəli hərbçiləri toplayıb.
Oxu24.com xəbər verir ki,"Zelenski bütün Baş Qərargahı topladı və hərbçilərə nəyin bahasına olursa olsun mövqelərini saxlamağı əmr etdi, daha geri çəkilmə olmamalıdır",- deyə o bildirib.
Merkurisin sözlərinə görə, Ukrayna ordusu üçün vəziyyət son dərəcə ağırdır, Rusiyanın hücumu isə getdikcə güclənir. Bundan əlavə, ekspert əmindir ki, Kiyevdəki bir sıra ciddi uğursuzluqlardan sonra Qərb Ukrayna rəhbərliyindən cəbhənin dağılmasını dayandırmağı tələb etməyə başlayıb.
Mayın 4-də Rusiya hakimiyyəti Ukrayna prezidenti Vladimir Zelenskini, keçmiş prezident Petro Poroşenkonu və Ukrayna Silahlı Qüvvələrinin quru qoşunlarının komandanı Aleksandr Pavlyuku axtarışa verib. Federasiya Şurası bəyan edib ki, Zelenskinin toxunulmazlığı yalnız Ukrayna ərazisində etibarlıdır. Lakin onlar əlavə etdilər ki, o, “sadəcə axtarışdadır” və mütləq həbs olunmur.
Bundan əvvəl Zelenski Rusiya ilə münaqişənin yeni mərhələsinin başlandığını bəyan edib.
Nigar
