Dərbənddə öldürülən keşiş bir neçə il Bakıda çalışıb

Xəbər verdiyimiz kimi, Dərbənd kilsəsinin keşişi Nikolay Kotelnikov bu gün axşam saatlarında Dağıstanda pravoslav kilsəsinə silahlı hücum zamanı öldürülüb.

Bizim.Media xəbər verir ki, o, bir neçə il Bakı yeparxiyasında çalışıb.

Onun ölümü ilə bağlı arximandrit Aleksi sosial şəbəkələrdə belə yazıb:

"Bakıda bu keşişi yaxşı tanıyırdılar və sevirdilər. Dağıstanın dini icmalarına və bütün çoxmillətli xalqına dərin hüznlə başsağlığı verirəm".

Qərbi Avropa Patriarxlıq Eksarxlığının din xadimi arximandrit Aleksi əvvəllər Bakı və Azərbaycan yeparxiyasının katibi vəzifəsində çalışıb.

Bizim.Media

• Bakı
• Silahlı Hücum
• Keşiş
• Dağıstan
• Dərbənd
• Pravoslav Kilsəsi
• Nikolay Kotelnikov
• Yeparxiya
• Arximandrit Aleksi