Xaricdə yaşayan rusiyalı keçmiş deputatlar Rusiyada qətllər və vəziyyətin güc yolu gərginləşdirilməsi məqsədilə terror planı hazırlayırlar.BUTA.TV xəbər verir ki, bu barədə Britaniyanın “Tayms” nəşri yazıb. “Keçmiş rusiyalı deputatlar NATO-nu Rusiya hakimiyyət sistemindəki şəxslərə qarşı qətllər kampaniyasını dəstəkləməyə çağırıblar. Mühacirətdə olan 60-dan çox siyasətçi Kremldə çevrilişlə bağlı 7 bəndlik planı müzakirə etmək üçün bu həftə Varşavada toplanıb”, - nəşr bildirib. Qəzetin yazdığına görə, plana Qərbin Ukraynaya daha çox silah verməsi, Rusiyaya qarşı daha çox sanksiyaların tətbiqi və ölkə daxilində sabitliyi pozan hərəkətləri, o cümlədən hökumət nümayəndələrinin qətli və onları güc yolu ilə dəyişdirmək cəhdləri kimi cinayət əməllərini dəstəkləmək çağırışları daxildir: “Təklif gələn ayın əvvəlində Vaşinqtonda keçiriləcək NATO-nun 75-ci sammitində təqdim olunacaq”. “Tayms” iddia edib ki, sözügedən planın arxasında Rusiyanın Azadlığı Legionu və Milli Respublika Ordusu kimi təşkilatlarla əlaqəli olan keçmiş deputatlar, o cümlədən İlya Ponomaryov dayanır.