Əsnəmək bədənin normal reaksiyasıdır və adətən yorğunluğu göstərir, lakin əsnəmə çox tez-tez baş verirsə, bu, ciddi bir xəstəlikdən xəbər verə bilər.
"Unikal" xəbər verir ki, bunu rusiyalı nevroloq Qalina Nevryuzina KİV-ə açıqlamasında deyib.
"Əgər əsnəmə tezliyi patoloji olarsa, onun səbəblərini başa düşməlisiniz. Tez-tez əsnəmək ürək-damar sisteminin pozğunluqlarının əlaməti ola bilər", - deyə o bildirib.
Həkimin sözlərinə görə, əsnəmə tez-tez temporal epilepsiya və beyin toxumasının zədələnməsi ilə əlaqəli digər xəstəliklər fonunda baş verir.
