Əgər İsrail Livana hücum etrsə, o zaman "məhvedici müharibə başlayacaq”.
Qaynarinfo xəbər verir ki, bu barədə İranın BMT-dəki nümayəndəliyi X sosial şəbəkəsində bildirib. Qeyd olunur ki, İsrailin Livana hücumu zamanı hadisələrin inkişafı üçün bütün variantlar guya hazırdır, baxmayaraq ki, bu barədə bəyanatlar "psixoloji müharibə” hesab olunur”.
"İran sionist rejimin Livana hücum etmək niyyəti ilə bağlı təbliğatını psixoloji müharibə hesab etməsinə baxmayaraq, genişmiqyaslı hərbi təcavüzə başlayarsa, bütün Müqavimət cəbhələrinin tam iştirakı da daxil olmaqla, masanın üstündə hazır olan məhvetmə müharibəsi başlayacaq”, - mesajda deyilir.
Qeyd edək ki, Qəzza zolağında gedən müharibə fonunda İsrailin Livanla sərhədində vəziyyət gərginləşir. İranın dəstəklədiyi islamçı Hizbullah hərəkatı bu ölkədə yerləşir.
CBS News jurnalistlərinin verdiyi məlumata görə, Birləşmiş Ştatlar orada yeni cəbhənin açıla biləcəyindən narahatdır ki, bu da İsrailin Amerika silahlarına ehtiyacını artıracaq. ABŞ rəsmiləri deyirlər ki, HƏMAS-ın 2023-cü ilin oktyabrında İsrailə qəfil hücumundan fərqli olaraq, Livan Hizbullahı ilə mümkün müharibə İsrail ordusunun illərdir düşündüyü bir şeydir.
Alpər
