"Napoli"nin hücumçusu Xviça Kvaratsxeliya "Napoli"nin müqavilənin uzadılması təklifini qəbul etməyib.
"Operativ Məlumat Mərkəzi-OMM" xəbər verir ki, bu barədə "Corriere dello Sport" məlumat yayıb.
Qeyd edilib ki, təklif olunan müqavilə 2029-cu ilə qədər nəzərdə tutulub və futbolçuya illik 5 milyon avro təklif edilir.
Mənbənin məlumatına görə, tərəflərin növbəti görüşü AVRO-2024-ün bitməsindən sonra baş tutacaq.
Ötən mövsüm vinger bütün turnirlərdə 48 matçda iştirak edib, 12 qol vurub və 9 asistlə yadda qalıb. Futbolçunun klubla hazırkı müqaviləsi 2027-ci ilin yayına qədər nəzərdə tutulub.
