"Araqdan müntəzəm istifadə edilməsi orqanizmin ümumi tükənməsinə, şəxsiyyətin deqradasiyasına gətirib çıxarır..."
Spirtli içkidən müntəzəm istifadə edilməsi zamanı artıq bir aydan sonra intellektin qismən pozulması baş verir.
Moderator.az xəbər verir ki, bu barədə Moskva Dövlət Maarifləndirmə Universitetinin müəllimi, cərrah Aleksandr Umnov məlumat verib. Məlumatı "Rg.ru" nəşri yayıb.
Qeyd edilir ki, hər gün araqdan istifadə edilməsi ilk növbədə beyin və onun bütün bölmələri üçün öldürücüdür, çünki etanol neyromediatorların işini pozur, o, deyib.
"Araq bu və ya digər dərəcədə hər bir orqana güclü təsir edir. Ondan müntəzəm istifadə edilməsi orqanizmin ümumi tükənməsinə, habelə şəxsiyyətin deqradasiyasına gətirib çıxarır", - həkim məlumat verib.
Araq orqanizmə necə təsir edir-mərhələlər
Əgər tünd alkoqoldan istifadə edilirsə, artıq bir neçə aydan sonra psixika və emosiyalarla bağlı problemlər, nitqin və eşitmənin pozulması meydana çıxacaq.
Görmə pisləşəcək, koordinasiya ilə bağlı problemlər, başgicəllənməsi və baş ağrıları baş verəcək. Həm də trombozlar və insultlar riski artacaq.
Tədricən hormonal, dofamin və qamma-amin-yağ türşusu sistemlərinin işi pozulur.
Daha sonra beyin toxumalarının distrofiyası, hidrosefaliya, ensefalopatiya inkişaf edir, bu da psixozun yaranmasına gətirib çıxara bilər.
Tünd alkoqoldan ürək əziyyət çəkdiyindən taxikardiya, ritmin pozulması baş verir, orqanın toxumalarının distrofiyası artır.
Araqdan müntəzəm istifadə edilməsindən üç-altı aydan sonra qara ciyər və mədə-bağırsaq yolu dağılır. Tədricən qara ciyərin piylənməsi baş verir və sirroz inkişaf edir.
Mədəaltı vəzin toksinlərlə zəhərlənməsi pankreatitə və sonradan pankreonekroza gətirib çıxarır. Mədəaltı vəzin toxumalarının ölməsi nəticəsində qidanın həzmi pozulur və şəkərli diabet inkişaf edir.
Həkim bir saat ərzində bir litr araq içmək ölümcül dozadır, həkim məlumat verib.
