Yunanıstanın baş naziri Kiriakos Mitsotakis bəyan edib ki, Aİ ölkələrinin müdafiəsi üçün birgə Avropa layihələri hazırlanmalıdır.
Turkustan.az xəbər verir ki, Yunanıstanın paytaxtı Afinada bir media qurumunun təşkil etdiyi paneldə danışan Mitsotakis, Avropa gündəmi ilə bağlı qiymətləndirmələr etdi.
Mitsotakis Avropa Parlamenti (AP) seçkilərində Avropada, xüsusilə Fransa və Almaniyada ifrat sağçıların yüksəlişinə diqqət çəkib.
AP-nin yeni seçki sonrası dövründə immiqrasiya və müdafiə kimi mövzuların ön planda olacağını ifadə edən Mitsotakis, partiyası Yeni Demokratiyanın Yunanıstanda AP seçkilərində ilk partiya olduğunu vurğuladı.
Mitsotakis AP seçkilərində partiyasının 2023-cü il ümumi seçkiləri ilə müqayisədə səs nisbətinin aşağı düşməsini xalqın hökumətə yaşayış bahalığı ilə bağlı göndərdiyi mesaj kimi şərh edib.
Covid-19 epidemiyası dövrünün Yunanıstanın ətraf mühitlə bağlı yeni addımlar atması və rəqəmsallaşmanın təmin edilməsi üçün mühüm fürsətə çevrildiyini qeyd edən Mitsotakis, Avropa ölkələrinin hər birinin Ukraynadakı müharibədən sonra müdafiə büdcələrini yenidən qiymətləndirdiklərini bildirdi.
Mitsotakis, AB ölkələrində milli müdafiə büdcələrinin məhdud olduğuna və Yunanıstanın ehtiyac hiss etdiyi üçün ümumi daxili məhsulunun (ÜDM) yüzdə 2-dən çoxunu müdafiəyə xərclədiyinə, digər AB ölkələrinin isə müdafiə xərcləri yerinə başqa sahələrə sərmayə qoya biləcəyinə diqqət çəkib.
Yunanıstanın baş naziri, AB ölkələrinin müdafiə xərclərini nə qədər artırsalar da, bu resursların Avropaya deyil, ABŞ-a getdiyini qiymətləndirərək, “Müdafiə mövzusunda ciddi olmaq istəyiriksə, Avropa texnologiyalarını ehtiva edən Avropa layihələrini müəyyənləşdirməliyik. və bu səbəbdən də (Polşanın Baş naziri) “Donald Tusk ilə AB tərəfindən birgə maliyyələşdiriləcək Avropa ortaq müdafiə qalxanını təklif etdim”. dedi.
Qida təhlükəsizliyinin kritik əhəmiyyət daşıdığını vurğulayan Mitsotakis, Aİ-nin ortaq kənd təsərrüfatı siyasətinin də araşdırılmalı olduğunu qeyd edib.
Eltac Zülfüqaroğlu/Turkustan.az
