Çinin sədri Si Cinpin Astana səfəri zamanı Qazaxıstan prezidenti Kasım-Jomart Tokayevlə birlikdə Transxəzər Beynəlxalq Nəqliyyat Marşrutu boyunca yük materiallarının istismara verilməsi mərasimində iştirak edib.
"Operativ Media" xəbər verir ki, bu barədə Qazaxıstan liderinin mətbuat xidməti məlumat yayıb.
Tokayev vurğulayıb ki, marşrut Avrasiyada nəqliyyat və logistika əlaqələrinin genişlənməsinə yeni təkan verəcək. Hər iki ölkə fəal şəkildə yeni birgə layihələr həyata keçirir. Hazırda üçüncü Ayagöz-Baxtı dəmir yolu keçid məntəqəsinin tikintisi davam edir.
Qeyd edək ki, transxəzər marşrutu yüklərin Rusiyadan yan keçməklə Çindən Qərbi Avropaya çatdırılmasına imkan verir. O, malların Qazaxıstandan sonra birbaşa alıcıya, Xəzər dənizi ilə Azərbaycana, oradan isə Gürcüstan və ya Türkiyəyə, yaxud Qara dəniz vasitəsilə Rumıniya və Ukraynaya göndərilməsini təmin edir.
