Xəbər verdiyimiz kimi, Nazirlər Kabineti taksi minik avtomobillərinin sürücülərnin etik davranış və xüsusi hazırlığının qiymətləndirilməsinə dair sənədin forması və iymətləndirilmənin aparılmasına görə haqqın məbləğini təsdiq edib. Bu məbləğ 35 manat müəyyən edilib.
Nəqliyyat üzrə ekspert Eldəniz Cəfərov Bakupost.az -a açıqlamasında bu qərarla sürücülüyün bir peşə fəaliyyəti kimi təsbit olunacağını bildirib.
“Bu qərar sürücülərin təlim keçməsi və imtahan verməsini məcburi edir. Ancaq bu qərar iyul ayının 1-nə qədər Yerüstü Nəqliyyat Agentliyində təlim keçmiş sürücülərə şamil edilməyəcək. Təsadüfən əyləncə, maraq naminə bu sahəyə gələn insanlar isə artıq ələnəcək. Yəni bu sahənin də öz peşəkarları olacaq”, - deyə ekspert qeyd edib.
Vasif Əlihüseyn
BakuPost
