Türkiyə milli futbol komandasının 2024-cü il Avropa çempionatının 1/4 finalında Hollandiya ilə oynayacağı matçın baş hakimi bəlli olub.
BAKU.WS UEFA-nın saytına istinadən xəbər verir ki, AVRO-2024-ün 1/4 finalında Hollandiya ilə keçiriləcək matçın baş hakimi Fransa Futbol Federasiyasından Klement Turpin olacaq.
Klement Turpinə eyni federasiyadan Nikolas Danos və Benjamin Peys kömək edəcək. Feliks Zvayer matçın 4-cü hakimi, Jerome Brisard isə VAR hakimi kimi çalışacaq.
Klement Turpin AVRO-2024-də indiyədək 2 matç idarə edib, Turpin turnirin açılış matçında, Almaniya-Şotlandiya matçında və İngiltərə-Sloveniya oyununa hakimlik edib.
Xatırladaq ki, Türkiyə-Hollandiya qarşılaşması 6 iyul saat 23.00-da başlayacaq.
