Onlarla xarici siyasət mütəxəssisi Ukraynanı NATO-ya qəbul etməmək çağırışı imzalayıb. Onlar həyəcanla qeyd edirlər ki, bu addım ABŞ və onun müttəfiqləri üçün təhlükə yaradacaq, həmçinin bütün koalisiyanın dağılmasına gətirib çıxaracaq.
Publika.az xəbər verir ki, bu barədə "Politico" yazıb.
Nəşrin iddiasına görə, bir qrup ekspert xəbərdarlıq edib ki, Ukrayna təşkilata qoşularsa, Rusiyanın mümkün zərbəsi işə düşəcək.
Qeyd olunub ki, Kiyevin üzvlüyə doğru irəliləməsi, yeni çətinlikləri labüdləşdirəcək, Ukraynanı aparıcı nüvə gücləri arasında uzun sürən qarşıdurma meydanına çevirəcək.
