Üç nəfərin Moskvanın mərkəzində BMW avtomobilinə zorla mindirib Bryanska apardığı italyan iş adamı Stefano Cuidottinin oğurlanması üçün hücum edənlərə 25 milyon rubl (480000 AZN-red) məbləğində pul vəd edilib.
Qaynarinfo xəbər =verir ki, bu barədə "Mash Telegram" kanalı məlumat yayıb.
Onun sözlərinə görə, sifarişçi SİAD Rus-un Rusiya nümayəndəliyinin rəhbərinin biznes rəqiblərindən biri ola bilər. Qaçırılmadan əvvəl təcavüzkarlar avans olaraq 800 min rubl alıblar. Qalan məbləğ cinayətin nəticələrinə əsasən onlara ödənilmələcəkmiş. Lakin oğurluq edənlərin həmin şəxslə nə etməyi planlaşdırdıqları hələlik dəqiqləşdirilməyib.
Mübarizə zamanı italyan xəsarətlər alıb - göyərmələr, sıyrıqlar və üç qabırğanın sınığı.
SİAD-ın (Avropanın ən böyük texniki qaz istehsalçısı) Rusiya nümayəndəliyinin baş direktorunun oğurlanması iyunun 28-də səhər saatlarında baş verib. Moskvanın mərkəzində Sadovaya-Triumfalnaya küçəsindəki evlərin birinin həyətində üç nəfər Cuidottini tutublar.
Hücum edənlərin həbsindən sonra İstintaq Komitəsi oğurluq anının videosunu dərc edib.
Xatırladaq ki, 21 yaşdan 36 yaşa qədər olan dörd ortaq adam oğurluğunda ittiham olunub. İstintaqın məlumatına görə, İtaliya vətəndaşı Moskvanın mərkəzində, Sadovaya-Triumfalnaya küçəsində yerləşən evin həyətində hücuma məruz qalıb. Təcavüzkarlar onları tapança ilə hədələyərək kişini sürüyərək maşına mindiriblər və orada onun başına torba keçirib, əllərinə qandal taxıblar. Sonra oğurlanmış adam Bryanska aparılıb və orada bir gündən çox saxlanılıb.
Yayımlanan videoda bir neçə nəfərin kişiyə necə hücum etdiyi, onu evin həyətində divara sıxdığı görünür. Müstəntiqlər müəyyən ediblər ki, İtaliya vətəndaşı bu yaxınlarda biznes rəqibi ilə münaqişə edib.
Alpər
