Konfrans Liqasının 2-ci təsnifat mərhələsində “Sumqayıt”ın rəqibi olan “Fehervar” heyətinə yeni futbolçu cəlb edib.
QOL.az klubun mətbuat xidmətinə istinadən xəbər verir ki, Macarıstan klubu Bence Bedi ilə müqavilə imzalayıb.
27 yaşlı yarımmüdafiəçi ilə 1 illik müqavilə imzalanıb.
2014-cü ildən Macarıstanın “Zalaegerszeq” klubunda çıxış edən futbolçu "Fehervar"a azad agent kimi keçib..
Qeyd edək ki, “Sumqayıt”ın “Fehervar”la ilk oyunu iyulun 25-də Azərbaycanda, cavab görüşü isə iyulun 31-də Macarıstanda keçiriləcək.
