Macarıstan XİN Barböckun səfərinin siyasi səbəblərə görə təxirə salınması ilə bağlı xəbərləri təkzib edib

Macarıstan və Almaniya xarici işlər nazirləri Peter Siyarto və Annalena Barbok arasında iyulun 8-də Budapeştdə keçirilməsi planlaşdırılan görüş siyasi deyil, texniki səbəblərə görə təxirə salınıb. Bizimyol.info xəbər verir ki, bunu Macarıstan Xarici İşlər Nazirliyi Berlindəki həmkarlarının planlaşdırılan danışıqların təxirə salınması ilə bağlı narazılığına cavab olaraq bildirib. "Nazirin iş qrafikində gözlənilməz dəyişikliklərlə əlaqədar Xarici İşlər Nazirliyi səfərin daha sonrakı tarixə keçirilməsini xahiş edib", - məlumatı Macarıstan Xarici İşlər Nazirliyi yayıb. “Səbəb siyasi deyil, sırf texnikidir”, - deyə nazirlik vurğulayaraq, Barböckun Budapeştə səfərinin yaxın gələcəkdə baş tutacağına ümid etdiyini bildirib. İyulun 5-də "Reuters" agentliyi adı açıqlanmayan alman diplomatlarına istinadən xəbər verib ki, Almaniya Xarici İşlər Nazirliyi Macarıstanın nazirlər görüşünü təxirə salmaq qərarından hədsiz qıcıqlanıb. Berlin bunu Budapeştin bəzi Aİ ölkələrinin, o cümlədən Almaniyanın Moskvada Rusiya prezidenti Vladimir Putinlə görüşən Macarıstanın baş naziri Viktor Orbanın tənqidindən narazılığı ilə əlaqələndirib. Qadir, Bizimyol.info

• Macarıstan
• Görüş
• Almaniya
• Annalena Barbok
• Budapeşd
• Texniki Səbəblər
• Peter Siyarto