İngiltərə millisinin baş məşqçisi Qaret Sautqeyt AÇ-2024-ün 1/4 finalında İsveçrə yığması ilə qarşıdakı oyundan gözləntilərini paylaşıb.
Arena.az UEFA-nın mətbuat xidmətinə istinadən, ingilis mütəxəssisin bu barədə fikirlərini təqdim edir:
“İsveçrə yığması özünü yarışda əla nümayiş etdirir. Onun heyətində yaxşı oyunçular oynayırlar və onun, başqalarına fəsad yaradan aydın oyun yanaşması var. Biz daha yüksək səviyyədə oynamalıyıq.
Biz qarşıdakı oyuna həmişə ən yaxşı yanaşmanı seçməyə çalışırıq. İsveçrəlilər arxada beş müdafiəçi ilə oynayaraq, bəzən dördlüyə keçirlər. Onların çox çevik bir cizgisi var. Bizim tapşırığımız sadədir – özümüzü müdafiə etməyi unutmadan rəqibə fəsadlar yaratmaq. İsveçrə yığmasının hücumu indi çox təhlükəlidir”, deyə Sautqeyt vurğulayıb.
Xatırladaq ki, Avropa çempionatının 1/4 final mərhələsinin İngiltərə – İsveçrə oyunu bu gün, iyulun 6-da Düsseldorfun “Merkur Şpil-Arena” stadionunda keçiriləcək. Hakim oyunu Bakı vaxtı ilə saat 20:00-da başladacaq.
