İsmayıllıda üç ailənin yaşadığı ev külə döndü: Xəsarət alanlar var - FOTOLAR

İsmayıllıda üç ailənin yaşadığı beşotaqlı mənzil yanaraq külə dönüb.

Hadisə Qalınçaq kəndində Bəhmən Rəcəb oğlu Bayramova məxsus beşotaqlı fərdi yaşayış evində qeydə alınıb.

Ev sahibi, 1959-cu il təvəllüdlü Bəhmən Rəcəb oğlu Bayramov və 1969-cu il təvəllüdlü Nəzakət Yaqub qızı Bayramova zəhərlənmə diaqnozu ilə İsmayıllı Rayon Mərkəzi Xəstəxanasına aparılıblar.

Bundan başqa, yanğın nəticəsində xırdabuynuzlu ev heyvanları və toyuq-cücə tələf olub.

Hadisə yerinə Fövqəladə Hallar Nazirliyinin (FHN) İsmayıllı Rayon Dövlət Yanğından Mühafizə Hissəsinin canlı qüvvəsi və texnikası cəlb olunub.

Hazırda hadisənin hansı səbəbdən baş verməsi araşdırılır.

Mənbə: oxu.az

Copyright © 2024 All Rights Reserved. Developed by scorpion.az

• Xəsarət
• Ev
• Yanğın
• Foto
• Ailə
• Zəhərlənmə
• İsmayıllı
• Mərkəzi Xəstəxana
• Külə
• Yanaraq