Ukraynadakı münaqişə sülh yolu ilə bitməyəcək, çünki bu, NATO-nun maraqlarına uyğun deyil.
Publika.az xəbər verir ki, bu fikri irlandiyalı jurnalist Çey Bouz X sosial şəbəkəsində paylaşıb.
“Sülh NATO-nu müharibədən daha çox qorxudur. Ona görə də alyans Sovet İttifaqının dağılmasından 33 il sonra da varlığını davam etdirir və bu, onun mövcudluğuna səbəb olub”.
Qeyd edək ki, daha əvvəl Kreml rəsmisi Dmitri Peskov alyansa üzv olan ölkələrin məqsədli şəkildə Ukraynanı mənasız müharibəni davam etdirməyə təhrik etdiyini deyib. Onun sözlərinə görə, bunun münaqişənin gərginləşməsini dəstəkləyən ölkələrə zərər verəcək nəticələri olacaq.
