Braziliyanın Qoyas ştatının ikinci divizionunun 12-ci turu çərçivəsində keçirilən "Qremio Anapolis" - "Sentro Oeste" matçından sonra atışma baş verib.
News24.az Oxu24.com-a istinadən xəbər verir ki, final fitindən sonra futbolçuların yaxınlığında iğtişaşlar başlayıb.
Hadisəyə müdaxilə edən polis məmurlarından Olin silahdan istifadə edərək güllə ilə atəş açıb və nəticədə "Qremio Anapolis"in qapıçısı Ramon Souzanın ayağı dəyib. Futbolçuya təcili tibbi yardım göstərilib, həkimlər onu təcili yardım maşını ilə xəstəxanaya çatdırıblar.
“Bu, stadiondakı insanların təhlükəsizliyi və toxunulmazlığından narahat olan bir insanın dəhşətli, ağlasığmaz və cinayət əməlidir. İyulun 10-u futbolçularımızdan birinə qarşı amansız, çirkin və dəhşətli hərəkətlə yadda qaldı, bu, heç vaxt unudulmayacaq”, - klubun İnstaqram səhifəsində deyilir.
Hadisə iyulun 10-da baş verib. Qarşılaşma 2:1 hesabı ilə "Centro Oeste"nin xeyrinə başa çatıb.
O Globo xəbər verir ki, hadisənin baş verdiyi ştatın hərbi polisi artıq hadisə ilə bağlı inzibati araşdırmaya başlayıb.
Daha əvvəl Uruqvay millisinin çalışdırıcısı komandasının futbolçuları ilə kolumbiyalı azarkeşlər arasında gedən mübarizəni yüksək qiymətləndirib.
