Ağdaşda bıçaqlanma hadisəsi olub.
APA-nin Şirvan bürosu xəbər verir ki, rayon sakini Röyal Məmmədov bıçaqla Ehtiram Əzizova xəsarət yetirib. O, hadisədən sonra ərazidən uzaqlaşıb. Tərəflər arasında mübahisənin borc üstündə baş verdiyi bildirilir.
DİN-in Mətbuat Xidmətinin Şəki regional qrupundan APA-ya bildirilib ki, polis əməkdaşlarının keçirdikləri tədbirlərlə əməli törədən R.Məmmədov saxlanılıb, araşdırmalar davam etdirilir.
