Moskva Venesueladakı siyasi müxalifəti məğlubiyyətlə barışmağa çağırıb.
News24.az xəbər verir ki, Kremlin sözçüsü Dmitri Peskov deyib ki, müxalifət hakim Nikolas Maduronu seçkilərdəki qələbəsi münasibətilə təbrik etməlidir.
Maduro qələbəni elan etdikdən sonra müxalifət etiraz edib və onların namizədi Edmundo Qonzalesin səslərin əksəriyyətini aldığını elan edib.
Seçki debatlarından sonra Venesuelada Maduro əleyhinə etirazlar başlayıb.
Peskov bu gün bildirib ki, Vaşinqton və bəzi digər xarici hökumətlər rəsmi nəticələrə şübhə ilə yanaşdıqdan sonra xarici güclər Rusiyanın ən mühüm müttəfiqlərindən biri olan Venesuelada qeyri-sabitliyi artırmağa çalışmamalıdır.
Qeyd edək ki, Maduronun qələbəsindən sonra verdiyi açıqlamada Rusiya prezidenti Vladimir Putin prezidenti təbrik edib və Moskvanın Venesuela ilə strateji tərəfdaşlığa malik olduğunu bildirib.
Putin bildirib ki, Maduro Rusiyada həmişə xoş qarşılanacaq.
Günel Məlikzadə
