HƏMAS lideri İsmayıl Haniyə İsrailin İranın paytaxtında endirdiyi zərbə nəticəsində öldürülüb. Yaxın Şərqdə gərginliyin artacağına dair məlumatlardan sonra çərşənbə günü neft qiymətləri Asiya ticarətində kəskin yüksəlib.
Marja xəbər verir ki, Bakı vaxtı ilə saat 08:40-a olan məlumata görə, Brent neftinin fyuçersləri 1,4% artaraq barreli 79,72 dollara, Qərbi Texas markalı neftin fyuçersləri isə 1,2% artaraq 75,95 dollara çatıb.
HƏMAS lideri İsmayıl Haniyənin Tehranda İsrailin endirdiyi raket zərbəsi nəticəsində öldürüldüyünü bildirib. Bu hadisə, İran və İsrail arasında gərginliyin yenidən artması ilə nəticələnə bilər.
Haniyənin öldürülməsi xəbəri, xüsusilə İsrailin çərşənbə axşamı Livanda yerləşən, İranın dəstəklədiyi silahlı qruplaşma Hizbullaha qarşı zərbələr endirməsindən sonra Yaxın Şərqdə genişmiqyaslı müharibə qorxusunu daha da artırıb.
İsrail tərəfindən zərbələr həftə sonu İsrailin işğalı altında olan Qolan Təpələrinə endirilən raket zərbəsinə cavab olaraq həyata keçirilib. İsrail çərşənbə axşamı hücumda Hizbullahın böyük komandirini öldürdüyünü iddia edib.
Treyderlərin daha böyük Yaxın Şərq münaqişəsinin neftlə zəngin regiondan neft tədarükünü çətinləşdirəcəyindən narahatdırlar.
İsrail və Həmas arasında atəşkəs əldə etmək üçün ABŞ və BMT-nin səyləri indiyədək az nəticə verib.
