Bu gün “Turan Tovuz” Premyer Liqanın 2024/2025 mövsümündə ilk oyununa çıxacaq. Tovuz klubunun rəqibi “Neftçi” olacaq. Matçdan öncə qonaq komandanın müdafiəçisi Roderik Miller Sportal.az saytına açıqlama verib.
Panamalı futbolçu “Neftçi” ilə matçda uğurlu çıxış etmək istədiklərini bildirib:
"Yaxşı hazırlıq keçmişik. Çox vacib oyun olacaq. “Neftçi”nin nə qədər yaxşı komanda olduğunu bilirik. Amma ilk turda qalib gəlsək, “Turan Tovuz” üçün mövsümün başlanğıcı yaxşı alınardı. Biz çox yaxşı hazırlaşmışıq və ötən mövsümdə buraxdığımız bir çox səhvləri düzəldə bilmişik. Düşünürəm ki, bu vacib məqamdır. Daha az səhv, daha yaxşı nəticələr deməkdir".
Qeyd edək ki, “Neftçi Arena”da keçiriləcək “Neftçi” – “Turan Tovuz” matçına saat 18:30-da start veriləcək.
Mirbağırağa
