ABŞ avqustun 23-də Kiyevə 125 milyon dollar dəyərində yeni hərbi yardım paketini elan edə bilər.
Bu barədə Associated Press yazır.
Məqalədə deyilir: “Bayden administrasiyası Kiyevə təxminən 125 milyon dollar hərbi yardım göndərəcək”.
Agentliyin məlumatına görə, yeni yardım paketinə hava hücumundan müdafiə raketləri, HIMARS, Javelin və bir sıra digər tank əleyhinə raketlər üçün döyüş sursatları, pilotsuz uçuş aparatları və elektron müharibə ilə mübarizə sistemləri, eləcə də digər avadanlıqlar daxildir.
Bundan əvvəl Pentaqon bildirib ki, ABŞ Ukrayna Silahlı Qüvvələrinə Kursk vilayətində Amerika silahlarından istifadə etməyə icazə verir.
Eyni zamanda, Amerikanın keçmiş prezidenti Donald Tramp Kiyevə və digər ölkələrə təchizat səbəbindən ABŞ-ın silah anbarlarının boş olduğunu bildirib.
DOĞRU.AZ
