Rusiya Federasiyasının Dağıstan Respublikasının paytaxtı Mahaçqala şəhərinin hava limanında ötən ilin oktyabrında törədilən iğtişaşların iştirakçılarına hökm oxunub.
News365.az xəbər verir ki, hökmə əsasən, iğtişaşların iştirakçısı olan beş müttəhim doqquz ilədək müddətə azadlıqdan məhrum edilib.
Qeyd edək ki, Mahaçqala hava limanında antisemit iğtişaşlar 2023-cü il oktyabrın 29-da axşam saatlarında islam antisemitizmi zəminində baş verib. İğtişaşçılar hava limanına hücum edərək İsraildən Mahaçqalaya uçan yəhudilərə zərər vermək istəyiblər. Buna səbəb isə HƏMAS-ın hücumundan sonra İsraildən təxliyə edilmiş yəhudi qaçqınlarının Dağıstanda yerləşdirilməsi və aktiv hərbi əməliyyatların başlaması ilə bağlı sosial şəbəkələrdə yayılan şayiələr olub.
