Orxan Babayev Azərbaycan Respublikası Vəkillər Kollegiyası Aparatının rəhbəri – Baş katib təyin edilib.
E-huquq.az xəbər verir ki, bu barədə Orxan Babayev özü məlumat verib.
Qeyd edək ki, 2019-cu ildən Vəkillər Kollegiyasının üzvü olan Orxan Babayev bu təyinatadək Kollegiya Aparatının İnsan resursları Şöbəsinin müdiri vəzifəsində çalışıb.O, 1989-cu ildə Ordubad şəhərində anadan olub, 2010-cu ildə Bakı Dövlət Universitetinin Hüquq fakültəsini bitirib.
Əmək fəaliyyətinə 2012-ci ilin noyabr ayında şirkətlərin birində hüquqşünas kimi başlayıb. 2013-2018-ci illərdə İnsan Hüquqları üzrə Müvəkkilin (Ombudsmanın) Aparatında 1-ci dərəcə dövlət qulluqçusu ixtisas dərəcəsi ilə müxtəlif inzibati vəzifələrdə çalışıb.
O, 2018-ci ildən Kollegiyanın Aparatında hüquqşünas-məsləhətçi, baş hüquqşünas-məsləhətçi, şöbə müdiri vəzifələrini icra edib.
İngilis, rus və türk dillərini bilir.
Ailəlidir, bir övladı var.
