Rusiya və Qərb ölkələri BMT Təhlükəsizlik Şurasının Ukrayna ilə bağlı iclaslarının keçirilməsini tələb ediblər.
“Cebheinfo.az”-ın məlumatlarına görə, bu barədə Rusiyanın BMT-dəki daimi nümayəndəsinin birinci müavini Dmitri Polyanski açıqlama verib.
Onun sözlərinə görə, Qərb ölkələri BMT Təhlükəsizlik Şurasının avqustun 28-də, Moskva vaxtı ilə saat 22:00-da baş tutacaq iclasının keçirlməsini tələb ediblər.
“Təhlükəsizlik Şurasının Qərb üzvləri avqustda Ukrayna məsələsini BMT Təhlükəsizlik Şurasında qaldırmağa qərar veriblər. Onlar avqustun 28-də saat 15:00-da (Moskva vaxtı ilə 22:00) görüş tələb ediblər” - o, özünün “Telegram” kanalında belə yazıb.
Rusiya avqustun 30-da saat 10:00-da (Moskva vaxtı ilə 17:00) Ukraynaya Qərb silahlarının tədarükü ilə bağlı görüşün keçirilməsini istəyib.
“Biz həmçinin, Ukrayna böhranının və Qərb üçün əlverişsiz olan Ukraynanın daxili çürüməsinin digər aspektlərinə də toxunacağıq”, - diplomat əlavə edib.
Polyanskinin bu yaxınlarda qeyd edib ki, rəsmi Kiyev Kursk vilayətinə hücum etməklə eskalasiya və hərbi əməliyyatların davam etdirilməsinə üstünlük verib.
