Bu günlərdə Bakıda retro avtomobillərin sərgi və nümayişi keçirildi. Paytaxt sakinləri və qonaqları tərəfindən maraqla qarşılanan bu avtomobillər hər zaman dünyanın hər yerində xüsusi diqqətlə izləniblər. Xüsusilə də, dünyanın ən zəngin insanları çox vaxt belə avtomobillərə külli miqdarda vəsait xərcləyərək öz kolleksiyalarına qatırlar.
Hafta.az olaraq maraq kəsb edər deyə dünyanın ən bahalı 6 retro avtomobili haqda məlumatları təqdim edirik.
Mercedes-Benz 300 SLR Uhlenhaut Coupe
Avtomobil 1955-ci ildə istehsal olunub, hazırda qiyməti 142 milyon dollardır.
2022-ci ildə bu model hərracda satılan dünyanın ən bahalı retro avtomobili olub. Avtomobili alman brendinin kolleksiyaçısı və pərəstişkarı alıb.
Model Rudolf Uhlenhout tərəfindən hazırlanıb və avtomobil onun adını daşıyır.
Lakin 300 SLR Uhlenhaut-un yarışmağa vaxtı olmayıb. Orijinal 300 SLR 1955-ci ildə yarış zamanı qəzaya uğrayıb və sürücü tribunaya uçub. Bundan sonra Mercedes-Benz idmanı tərk edib və Uhlenhout onu 300 SLR markası ilə şəhər avtomobilinin prototipinə çevirib.
Avtomobil cəmi iki ədəd istehsal edilib.
Hərracda satılan avtomobil Kent hersoqu, lord Brabazon tərəfindən Avropanı gəzmək üçün istifadə edilib. 60-cı illərin ortalarından etibarən avtomobil sərgilərdə və tədbirlərdə nümayiş etdirilir. 1986-cı ildə avtomobil bərpaya göndərilib, 2022-ci ildə isə Mercedes-Benz özəl auksionda satılıb.
Ferrari 250 GTO
Avtomobil 1963-cü ildə istehsal edilib, hazırda qiyməti 52 milyon dollardır.
Hərracda satılan bu modelin cəmi 36 nüsxəsi istehsal edilib. 3413GT nömrəli şassili versiya 2018-ci ildə RM Sotheby's auksionunda alınıb. Avtomobil əvvəllər ispan kolleksiyaçıya məxsus olub. Bir il sonra Boloniya məhkəməsi Ferrari 250 GTO xəttini sənət əsəri kimi tanıdı və kopyalamağı qadağan etdi.
Ferrari 250 GTO Berlinetta
Avtomobil 1962-ci ildə istehsal olunub, qiyməti 35,7 milyon dollardır.
Bu modelin cəmi 4 nüsxəsi istehsal edilib. Bu, Le Man marafonunda 200 km/saatdan çox sürətə çatan ilk avtomobildir. Kapotun altında 340 at gücünə malik 3,5 litrlik V12 mühərriki var. İdman avtomobili yarış avtomobillərinə xas olan xüsusi qırmızı rəngə boyanıb.
Avtomobil Parisdə Artcurial Motorcars Retromobile hərracında satılıb. Hərracda toplanan məbləğ tədbirin ümumi gəlirinin yarıdan çoxunu təşkil edir.
Bugatti Type 57SC Atlantic
Avtomobil 1936-cı ildə istehsal edilib, qiyməti 30 milyon dollardır.
Bu avtomobil Pebble Beach Concours d'Elegance mükafatını qazandı. Daha sonra markanın digər lüks avtomobillərlə birlikdə Kaliforniyadakı Mullin Muzeyinə göndərilib. Avtomobil yalnız dörd nüsxədə istehsal edilib, onlardan üçü bu günə qədər qalıb.
Kompressor mühərriki 210 at gücünə malikdir. Bu, ona 9,8 saniyəyə 100 km/saat sürətlənməyə və 200 km/saatdan yuxarı sürətə çatmağa imkan verdi ki, bu da o vaxt üçün çox yaxşı nəticə idi.
Mercedes-Benz W196R
Avtomobil 1954-cü ildə istehsal olunub, qiyməti 29,6 milyon dollardır.
Əsl yarış veteranının dəyəri onun bərpa edilməməsindədir. Cızıqlar və əziklər qələbələrin xatirəsini qoruyur və belə nadir əşyaları sevənlərin xüsusi heyranlığına səbəb olur. Argentinalı sürücü Xuan Manuel Fangio 1954-cü ildə Almaniya və İsveçrə Qran Prisinin qalibi olub. Avtomobil ümumilikdə 9 dəfə yarışlardan qalib ayrılıb.
Boruvari şassi, 2,5 litrlik V8 mühərriki, alüminium kuzov - bütün bu xüsusiyyətlər dövrü üçün inqilabi idi. Yüngül avtomobil 300 km/saat sürət yığa bilir. 2013-cü ildə Bonhams-da bu auksion üçün rekord məbləğə satıldı.
