Böyrəklər müxtəlif gündəlik vərdişlərdən zərər görməyə meyilli kompleks orqanlar hesab olunur. Mütəxəssislər böyrəkləri qorumağın əsas yollarını açıqlayıblar.
"Unikal" böyrəkləri qorumağın 9 yolunu təqdim edir:
1. Ağrı kəsicilərin həddindən artıq istifadəsindən çəkinin
Əksər ağrı kəsici dərmanlar ağrıları aradan qaldıra bilir, lakin onlar böyrəklərə zərər verir. Xüsusən də böyrək xəstəliklərindən əziyyət çəkən insanlar ağrı kəsici dərmanlardan istifadəni məhdudlaşdırmalıdırlar.
2. Duzdan istifadəni məhdudlaşdırın
Duzlu qidalar böyrəklərə ziyan verir, qan təzyiqini artırır. Yeməkləri duz əvəzinə göyərti və ədviyyatlarla dadlandıra bilərsiniz. Zaman keçdikcə yeməyinizdə əlavə duz istifadə etmək istəməyəcəyinizi hiss edəcəksiniz.
3. Fast-foodlardan uzaq durun
Hazır qidalar natrium və fosforun mühüm mənbələridir. Böyrək xəstəliyi olan bir çox insan pəhrizində fosforu məhdudlaşdırmalıdır. Bəzi tədqiqatlar göstərmişdir ki, hətta böyrək xəstəliyi olmayan insanların da işlənmiş qidalardan yüksək fosfor qəbulu onların böyrəklərinə və sümüklərinə zərər verə bilər.
4. Bol su içmək
Bol su istehlakı böyrəklərin natrium və toksinləri bədəndən təmizləməsinə kömək edir. Bol su içmək böyrək daşlarından qorunmağın da ən yaxşı yollarından biridir.
5. Keyfiyyətli yuxu
Yaxşı bir gecə yuxusu ümumi sağlamlıq və böyrəklər üçün son dərəcə vacibdir. Böyrək funksiyası gecə-gündüz böyrəklərin iş yükünü koordinasiya etməyə kömək edən yuxu-oyanma dövrü ilə tənzimlənir.
6. Balanslı qidalanın
Heyvan zülalları qanda yüksək miqdarda turşu əmələ gətirir ki, bu da böyrəklər üçün zərərlidir. Və asidoza səbəb olur, bu da böyrəklərin turşunu kifayət qədər tez xaric etməməsi vəziyyətinə səbəb olur. Zülal bədənin bütün hissələrinin inkişafı, saxlanması və bərpası üçün vacibdir.
7. Çox şəkərdən uzaq durun
Şəkər piylənməyə təsir edərək , böyrək xəstəliklərinin iki əsas səbəbi olan yüksək qan təzyiqi və diabet riskini artırır. Bundan əlavə, şəkər tez-tez "şirin" olmadığını düşündüyümüz qidalar və içkilərdə də mövcud olur. Məsələn, şəkərin gizli mənbələri də vardır. olan ədviyyatlar, səhər yeməyi taxılları və ağ çörəkdən çəkinməyə də diqqət yetirin.
8. Siqareti tərgidin
Siqaretin ümumi sağlamlığa olan zərərləri saysız-hesabsızdır. Lakin siqaret bir qayda olaraq böyrəklərə, böyrək xərçəngi riskinə və qan damarlarının zədələnməsinə səbəb olur.Bundan əlavə, siqaret yüksək təzyiqi müalicə edən bəzi dərmanlarla qarşılıqlı təsir göstərə bilər. Bu ciddi problemlərin, əsasən də böyrək xəstəliklərinin əsas səbəbidir.
9. Daha çox hərəkət edin
Uzun müddət oturmaq böyrəklərə mənfi təsir göstərir. Daha çox fiziki fəaliyyət böyrək sağlamlığında mühüm amillər olan qan təzyiqi və qlükoza mübadiləsinin yaxşılaşması ilə bağlıdır. Buna görə də, adekvat və müntəzəm məşqləri gündəlik işinizdən qaçırmayın.
Zərifə Nağıyeva
