Stoltenberq Ukraynanın Kursk vilayətində keçirdiyi əməliyyatı ilk dəfə şərh etdi

Ukrayna Silahlı Qüvvələrinin Kursk vilayətində əməliyyatı qanunidir və Kiyevin özünümüdafiə hüququna aiddir. Bu sözləri NATO-nun baş katibi Yens Stoltenberq Welt am Sonntag-a açıqlamasında deyib.

Reuters-in qeyd etdiyi kimi, bu, Stoltenberqin Ukrayna Silahlı Qüvvələrinin Kursk bölgəsində keçirdiyi əməliyyatla bağlı ilk şərhidir. "Ukraynanın özünümüdafiə hüququ var və beynəlxalq hüquqa görə, bu hüquq sərhəddə bitmir”.

Stoltenberq əlavə edib ki, NATO rəhbərliyi Ukraynanın planlarından əvvəlcədən xəbərdar olmayıb və bu planlarda qəti iştirak etməyib.

NATO-nun baş katibi hesab edir ki, Ukrayna USQ-nin Rusiya Federasiyasına hücumu səbəbindən risk altındadır, lakin onun sözlərinə görə, müharibənin necə aparılacağına Ukrayna hakimiyyəti özü qərar verməlidir."Zelenski açıq şəkildə bildirdi ki, əməliyyat Rusiyanın sərhədi keçərək hücumlarının qarşısını almaq üçün bufer zona yaratmaq məqsədi daşıyır, bütün hərbi əməliyyatlar kimi, bu da risklərlə doludur, lakin özünü necə müdafiə edəcəyi Ukraynanın öz qərarıdır”, - deyə baş katib qeyd edib.