Almaniya avtomobil istehsalçısı “Volkswagen” qənaət və xərcləri azaltma tədbirləri çərçivəsində ilk dəfə ölkədəki zavodlarını bağlaya biləcəyi barədə xəbərdarlıq edib. Alman şirkətinin idarə heyətinin son iclasından sonra verdiyi açıqlamada, “Volkswagen AG” tərkibindəki markaların hərtərəfli yenidən quruluşa ehtiyacı olduğu bildirilib.
Açıqlamada yalnız demoqrafik tendensiyalara əsaslanan restrukturizasiyanın qısa müddətdə şirkətin rəqabət qabiliyyətinin artırılması üçün lazımi struktur düzəlişlərinin həyata keçirilməsi üçün yetərli olmadığı bildirilib: “Mövcud vəziyyətdə avtomobil istehsalının bağlanması və sürətli əks tədbirlər görülməsə, hissələri istehsal edən müəssisələrə göz yummaq olmaz”.
2029-cu ilə qədər işdən çıxarmaların qarşısını alan və daha əvvəl qüvvədə olan iş təhlükəsizliyini ləğv etdiyini açıqlayan alman istehsalçı, bununla bağlı bütün tədbirlərin İşçi Şurası ilə birlikdə qiymətləndiriləcəyini bildirib.
“Volkswagen” Baş İcraçı Direktoru (CEO) Tomas Şefer iqtisadi mühitin çox çətinləşdiyini ifadə edərək, Avropa avtomobil bazarında yeni rəqiblərin olduğunu qeyd edib.
“Almaniya bir iş yeri olaraq rəqabət qabiliyyəti baxımından daha da geri qalır”, – Şefer deyib. O, vurğulayıb ki, “Volkswagen” qənaət etmək üçün daha çox iş görməlidir.
“Volkswagen” İş Şurasından verilən açıqlamada markanın Almaniyadakı böyük avtomobil fabrikini və hissələri istehsal edən fabrikini bağlamağı planlaşdırdığı və şirkətin idarə heyətinin bu planlara “müqavimət göstərəcəyi” bildirilib.
“Volkswagen” qrupunun 17 Avropa və Amerika, Asiya və Afrikada 10 ölkədə 114 istehsal müəssisəsində təxminən 650 min nəfər çalışır.
Şirkətin Almaniyada personal sayı təxminən 300 min nəfər təşkil edir. “Volkswagen” qrupu 2026-cı ilə qədər 10 milyard avro qənaət və xərclərin azaldılması tədbirlərinin bir hissəsi olaraq 2026-cı ilə qədər kadr xərclərini 20 faiz azaltmağı planlaşdırırdı.
