İsveçdə doğum səviyyəsinin aşağı olması yaxın üç ildə minə yaxın uşaq bağçasının bağlanmasına səbəb ola bilər ki, bu da onların ümumi sayının onda biridir. Musavat.com xəbər verir ki, bu proqnozu “İsveç İcmaları və Regionları” regional assosiasiyası (SKR) verib.
SKR-nin baş iqtisadçısı Annika Vallenskog SVT-yə deyib: "Bu o deməkdir ki, beş-altı ildən sonra bizim həm də daha az məktəbə ehtiyacımız olacaq".
Mərkəzi Statistika Bürosunun (CSB) məlumatına görə, İsveç 2024-cü ilin birinci yarısında doğum nisbətində kəskin azalma yaşayıb. Cəmi 50,5 min yeni doğulmuş körpə qeydə alınıb ki, bu da son 24 ilin ən aşağı göstəricisidir: "CSB 2027-ci ildə 130 min yeni doğulmuş körpə gözləyirdi, lakin biz görürük ki, bu, 95 min olacaq. Bu, böyük bir azalmadır".(musavat.com)
