Naxçıvan Muxtar Respublikasının Mərkəzi Seçki Komissiyası Ali Məclisə keçirilən seçkilərin ilkin nəticələrini ictimaiyyətə təqdim edib. 45 seçki dairəsi üzrə lider namizədlərin adları açıqlanıb. BUTA.TV Unikal.az-a istinadən xəbər verir ki, Naxçıvan Ali Məclisinə deputat seçilənlər arasında vəzifəli şəxslər də var. Onların siyahısını təqdim edirik: Naxçıvanın baş nazirinin müavini Bəxtiyar İbrahim oğlu Məmmədov, Naxçıvan Muxtar Respublikası Ali Məclisi sədrin köməkçisi Ramiz Gülməmməd oğlu Məmmədov, Naxçıvan Muxtar Respublikası Həmkarlar İttifaqlar Şurasının sədri Qəzənfər İsmayıl oğlu Abdullayev, Naxçıvan Muxtar Respublikası Nazirlər Kabinetinin sektor müdiri Mübariz Rəcəb oğlu Bayramov, Naxçıvan Müəllimlər İnstitutunun rektoru Azad Sevindik oğlu Novruzov, Naxçıvan Muxtar Respublikası Perinatal Mərkəzi Publik Hüquqi Şəxsin direktoru Ülkər İmamqulu qızı Bayramova, Naxçıvan Muxtar Respublikası Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin Naxçıvan Tibbi-Sosial Ekspert Komissiyasının sədri Şəhla Hüseyn qızı Əhmədova.
