53 yaşlı rusiyalı idmançı Yelena Prokofyeva Fransada təşkil olunan Paris-2024 Yay Paralimpiya Oyunlarında finala yüksəlib.
Bakıvaxtı.az xəbər verir ki, stolüstü tennisçi yarımfinalda yaponiyalı Kanami Furukavaya qalib gəlib - 3:2 (5:11, 11:9, 10:12, 11:7, 11:6).
Prokofyeva finalda Yaponiyanın digər təmsilçisi Natsuki Vada ilə üz-üzə gələcək. Qızıl medal uğrunda qarşılaşma bu gün, Bakı vaxtı ilə saat 19:00-da start götürəcək.
Yelena Prokofyeva Tokio paralimpiadasında qızıl medal əldə edib. O, 2018-ci ildə dünya çempionu olub.
Qeyd edək ki, paralimpiada sentyabrın 8-də başa çatacaq.
