İsrailin baş naziri Netanyahu Amerikanın "Fox News" kanalına verdiyi müsahibədə Qəzzada mümkün atəşkəslə bağlı son vəziyyəti və Tel-Əvivin prosesə yanaşmasını dəyərləndirib.Metbuat.az bildirir ki, "Bayden administrasiyasının Qəzzada atəşkəs razılaşmasının 90 faizinin tamamlandığına dair bəyanatını doğru hesab edirsinizmi?" sualına Netanyahu "Yox, bu doğru deyil" - deyə cavab verib. Netanyahu HƏMAS-ın tək istəyinin “İsrail əsgərlərinin Qəzzanı tərk etməsi” olduğunu iddia edib.Keçən həftə sonu 6 israilli məhbusun ölümündən sonra hələ də İsraildən güzəşt gözləməyin yanlış olduğunu ifadə edən Netanyahu, adlarını çəkmədən ABŞ rəhbərliyinə “HƏMAS-a bizim adımıza güzəştə getməsi üçün təzyiq edin” mesajını verib.
